Dalawang awards ang matatanggap ni Vice Ganda sa upcoming Guillermo Mendoza Scholarship Awards – ang Phenomenal Box Office Star at Best Male Concert Performer. Sa kabila nito, binabato pa rin ng intriga ang komedyante, partikular na ang lumabas na isyu kamakailan na diumano’y siya ang dahilan kung bakit na chismis na nag-resign ang direktor ng It’s Showtime na si Bobet Vidanes. Sa ngayon naman ay na chi-chikang nag-iiwasan sila ng direktor. “Alam mo kung bakit hindi ko ‘yan masagot nang direkta, kasi kapag sinagot ko ‘yan parang dinidepensahan ko ang sarili ko na dapat hindi manggaling sa akin ‘yan,” sagot ni Vice sa panayam sa kanya ng The Buzz. “Totoong nawala ako sa (It’s) Showtime dahil unang-una meron akong tour sa Middle East na araw-araw kong pino-promote sa (It’s) Showtime.” Dagdag pa niya alam ito ng pamunuan ng show at ng TV station.
“’Yung issue namin ni Direk Bobet hindi ako ang dapat magpaliwanag, si Direk Bobet ang dapat n’yong tanungin at siya rin ang dapat sigurong magsalita kung siya ba ay nag-resign at iniwan ang programa namin dahil sa akin,” depensa ni Vice. “Iba kasi ang lugar ng direktor, wala naman siya sa studio, kaya hindi talaga nagkikita-kita. Ang totoo hindi kami nag-away, wala kaming isnaban, wala kaming ganon. Pero hindi rin kami nagkikita. Ayokong sabihin na sweet kami, okay kami kasi ‘di naman kami nagkikita. Ayokong magpakaipokrita, ‘yun lang ang ipinagmamalaki ko sa mundong ito.”
As of press time ay hindi pa raw nila napag-uusapan ni Direk Bobet ang isyu sa kanilang dalawa. “Wala naman dapat iesplika sa akin si Direk Bobet, wala siyang dapat sabihin o ipaliwanag kasi kaming dalawa alam naman namin ang totoong nangyayari.”
Bukod pa rito ay iniisyu rin si Vice na mayroon siyang iringan sa iba niyang co-host sa It’s Showtime. “Kung sinasabi nila na mahirap akong katrabaho, nakaaway ko ang buong pamilya ng (It’s) Showtime hindi rin ako ang dapat magpaliwanag kasi magmumukhang sinasalba ko ang sarili ko. Tanungin n’yo si Anne (Curtis), si Vhong (Navarro), si Kuya Kim, ‘yung mga kasamahan ko (kung) naging pabigat ba ako sa kanila. Nag-away-away ba kami? Nagkaroon ba kami ng problema? ‘Pag nasagot nila ‘yon, ‘pag nasagot ni Direk Bobet, tapos na ang isyung ito.”
Aminado si Vice na apektado rin siya sa mga lumalabas na isyu laban sa kanya pero mas pinipili pa rin niyang maging positibo sa kabila ng mga pang-iintriga. “Nasasaktan, tao ako ‘no. Para naman napaka-ipokrita kapag sinabi kong hindi, hindi ako nasasaktan. Masyado naman akong nagtitigas-tigasan, pero wala naman akong magagawa kundi piliin ko na lang na maging mas positibo sa likod ng mga bagay na ito. Nasasaktan ako pero hindi ‘yan magiging dahilan para mabawasan ang mga ngiti ko.”
“’Yung issue namin ni Direk Bobet hindi ako ang dapat magpaliwanag, si Direk Bobet ang dapat n’yong tanungin at siya rin ang dapat sigurong magsalita kung siya ba ay nag-resign at iniwan ang programa namin dahil sa akin,” depensa ni Vice. “Iba kasi ang lugar ng direktor, wala naman siya sa studio, kaya hindi talaga nagkikita-kita. Ang totoo hindi kami nag-away, wala kaming isnaban, wala kaming ganon. Pero hindi rin kami nagkikita. Ayokong sabihin na sweet kami, okay kami kasi ‘di naman kami nagkikita. Ayokong magpakaipokrita, ‘yun lang ang ipinagmamalaki ko sa mundong ito.”
As of press time ay hindi pa raw nila napag-uusapan ni Direk Bobet ang isyu sa kanilang dalawa. “Wala naman dapat iesplika sa akin si Direk Bobet, wala siyang dapat sabihin o ipaliwanag kasi kaming dalawa alam naman namin ang totoong nangyayari.”
Bukod pa rito ay iniisyu rin si Vice na mayroon siyang iringan sa iba niyang co-host sa It’s Showtime. “Kung sinasabi nila na mahirap akong katrabaho, nakaaway ko ang buong pamilya ng (It’s) Showtime hindi rin ako ang dapat magpaliwanag kasi magmumukhang sinasalba ko ang sarili ko. Tanungin n’yo si Anne (Curtis), si Vhong (Navarro), si Kuya Kim, ‘yung mga kasamahan ko (kung) naging pabigat ba ako sa kanila. Nag-away-away ba kami? Nagkaroon ba kami ng problema? ‘Pag nasagot nila ‘yon, ‘pag nasagot ni Direk Bobet, tapos na ang isyung ito.”
Aminado si Vice na apektado rin siya sa mga lumalabas na isyu laban sa kanya pero mas pinipili pa rin niyang maging positibo sa kabila ng mga pang-iintriga. “Nasasaktan, tao ako ‘no. Para naman napaka-ipokrita kapag sinabi kong hindi, hindi ako nasasaktan. Masyado naman akong nagtitigas-tigasan, pero wala naman akong magagawa kundi piliin ko na lang na maging mas positibo sa likod ng mga bagay na ito. Nasasaktan ako pero hindi ‘yan magiging dahilan para mabawasan ang mga ngiti ko.”
No comments:
Post a Comment