May birong pagmamalaki niya, siya naman daw sa pagkakataong ito ang crush ni Marian Rivera.
Dalawang teleserye na kasi ang nagagawa niya, ang Amaya at My Beloved, na pawang siya ang nagkakagusto kay Marian.
“Finally,” natatawang bulalas niya. “E, kasi, di ba, lahat ng roles ko, si Marian ang crush ko, ako ang nagkakagusto?
“So sa guesting ko ngayon, siya naman ang may gusto sa akin. Kaya tawa kami nang tawa before the take.
“Nag-aasaran lang kami and everything.
“Ang sarap ng taping dito… comedy. Kasi, noong Spooky Night, comedy rin.
“Pero, siyempre naman, first taping ko yun, tense na tense ako. Stressed na stressed ako. Apat na araw na stressed! Grabe naman!
“Pero ngayon, dito sa Tweets, na-enjoy ko. Kasama ko pa si Sheena [Halili], matagal ko na siyang kilala. Masayang mag-comedy.”
DRAMA VS. COMEDY. Nalilinya si Mikael sa drama, at bilang pang-leading man ang packaging sa kanya ng Kapuso network.
Kung sakali, gusto niya ba rin magpatawa?
“Oo, iba ang comedy, mas magaan. Kasi, kapag drama, patayan yan. Kailangan maganda lahat ang eksena.
“Pero feeling ko naman, kaya naman ang comedy—magaan kasi ang feeling.
“Pero siguro kapag guesting, iba. Iba naman kapag regular ka nang gumagawa ng comedy.”
PROJECTS ON-HOLD. Hindi pa masagot ni Mikael kung ano ang magiging kasunod pa niyang teleserye.
“Siguro naman this year, meron na. I think, meron na this year,” sabi na lang niya.
“Pero wala pang masyadong details. Naglalabas sila ng mga pangalan na puwedeng i-partner.
“Pero, hangga’t lumabas na ang storycon at konsepto minsan, wala.”
Nakakaramdam ba siya ng frustration na pagkatapos ng My Beloved, wala pa siyang follow-up?
“Hindi naman,” sabi niya. “Ako kasi, after ng My Beloved, alam ko na sa susunod na cycle pa ako ng mga teleserye.
“Nakita ko na yung mga afternoon primetime, naka-line-up na sila. At the same time, magkasunod yung Amaya at My Beloved.
“So ako, para sa akin, nakita ko na yun. Hinanda ko na ang sarili ko.”
WORK BREAK. Sa panahon na wala siyang teleserye, nagbakasyon and, at the same time, nag-reinvent physically si Mikael.
“Nakapag-bakasyon ako sa China.”
Natatawang sumagot ito agad ng, “friends,” saka idinugtong, “Pero alam niyo, ang ganda lang talaga sa China. Sa Shanghai kami mismo.
“Pero ang hirap lang talaga dahil hindi sila marunong mag-English.
“Like yung hotel ng friend ko na pinupuntahan namin, parang may sungay yung sa antenna.
“So, ganoon ang ginagawa ko, pinapakita ko na parang may sungay para malaman sa taxi. Alam mo? Natatawa sila.
“Pero enjoy, enjoy naman. At least nga, nakapag-bakasyon naman.”
“Bukod pa sa bakasyon, ang daming workshops. Gusto ko naman sana na may improvement—maraming improvement.
“Yun naman ang goal ko lagi, di ba? Hangga’t maaari, as long as sa mga teleserye ko, may nakikitang improvement at development, happy ako.
“Hindi naman kailangang magaling at award-winning kaagad. Basta may improvement.
So, talagang nagtitiyaga ako sa acting workshop. Hindi lang sa acting, pero, siguro, mabibigla na lang kayo na mailalabas ko.”
HOSTING STINT. Bukod sa acting, plano ni Mikael na pasukin din ang hosting.
“Wala masyadong host yung GMA ngayon o baka wala silang masyadong show na kailangan ng host.
“Pero eventually, kapag nandoon na ang opportunity na sigurado kong mangyayari naman, at least, maipapakita ko na handa ako.”
Nakapareha na ni Mikael sa mga nauna niyang teleserye ang maituturing na reyna ng Kapuso network. Sino pa ang gusto niyang makapareha sa mga Kapuso actresses?
“Si Marian, nandoon na talaga, alam na niya ang ginagawa niya.
“Kunwari, may kasing-bago ko lang, masaya rin yun. At least, dalawa kaming mag-e-experience, dalawa kaming matututo.”
“Well, si Sarah [Lahbati], nasabi ko na yun dati.
"Si Jennylyn [Mercado], bumalik na siya, kasi for a while nag-hosting siya. Napanood ko ibang movies niya… intense siya.
"Si Kylie [Padilla] rin, gusto ko rin makasama.
“She works hard also at isa rin yun sa nagugustuhan ko sa kanya.
“Parang sila, naiisip mo, ‘Ano kaya ito? Interesting din kaya sila na makasama o makapareha ko sa isang teleserye?’
“Sana, mabigyan ng chance, di ba?
“And hopefully, new teleserye, new looks, bagong body and skills too.”
Sino ang nakasama niya sa bakasyon?
No comments:
Post a Comment