Marcelito Pomoy at Jovit Baldivino, Pressured sa Concert Nilang Dalawa

Chika ni Relcie Aquino

PAREHONG LOW-PROFILE sina Marcelito Pomoy at Jovit Baldivino pero tila may pressure ang kanilang unang pagsasama sa concert nilang Jovit vs. Marcelito: A Talent Showdown, December 10, SM Sky Dome.

Hanga si Marcelito sa singing style ni Jovit dahil kayang-kaya nitong mag-rock.

“Kasi kakaiba po ang music niya. ‘Yung mga kanta ng Journey. Kung unique ang boses ko, mas unique ang boses niya,” paliwanag ni Marcelito.

“Magkaiba ‘yung genre namin. Kaya niyang magboses babae, boses lalaki. Pang-rock po ako,” esplika naman ni Jovit.

Actually, isa lang naman ang gustong mangyari ng dalawang PGT champions, ang umangat.

Ano ang kinatatakutan nila habang nagpe-perform?

“Natatakot po akong magkamali,” pakli ni Marcelito.

Si Jovit naman, since mahiyain, natatakot namang magsalita in between singing.

“Hindi ko po alam kung paano mapapasaya at mapapalakpak ang audience. Parang naiilang ako kasi nasanay ako na mahiyain ako. Kung maging madaldal naman ako baka sabihin madaldal naman ito.”