Derek Ramsay, Di lilipat ng Ibang Istasyon.

BINASAG NI Derek Ramsay ang pananahimik tungkol sa issue ng paglipat niya sa TV5 sa presscon ng Corazon: Ang Unang Aswang with Erich Gonzales sa direksiyon ni Richard Somes under Skylight Films and Reality Entertainment. Nilinaw ng actor na hindi pa siya pumipirma ng kontrata sa Kapatid Network.

Ayon sa kanya, nag-expire na ang kontrata niya sa ABS-CBN at nakipag-meeting na siya sa mga big boss na sina Gabby Lopez, Charo Santos at Malou Santos. Naging maganda naman ang pag-uusap nila ng ABS-CBN executives.

“Sir Gabby had very nice things to say about me, tungkol sa pagkatao ko which I really appreciated and sinabi ko naman sa kanya na my mind is open for anything. Gusto ko lang nga is sariling kusa na manggaling sa kanila,” say ng binata.

Sinabi ni Derek na wala pa raw offer ang Kapamilya Network pero pinagagawan siya ng list kung ano ang gusto niyang idagdag sa kontrata.

“Hindi ako ganu’n na artista, ayokong mag-demand. Gusto ko, sarili nilang kusa. I wanted it to come from them. Ang trato ko sa ABS-CBN is pamilya so, manggaling na lang sa kanila kung ano ang gusto nilang ibigay,” dugtong pa niya.

By this time, dumating na siguro ang offer ng ABS-CBN kay Derek kahit wala pang confirmation ang paglipat niya sa Singko. Pero kasama sa options niya ang paglipat sa nasabing network.

“I’ve always been very open about that and that’s what really nice of Tita Malou, when I told her. I’m going to be open this year for career changes,” say niya.

Nabalita ring si Derek daw ang magiging host ng The Amazing Race ng Singko. Pinabulaan ng aktor ang balita. Nagtataka raw siya kung saan nanggaling ang balita. Gusto niyang sumali sa reality show bilang contestant hindi bilang host. Pinaliwanag din ni Derek kung sakaling lilipat nga raw siya, hindi dahil sa pera.

“I love this network, they’ve done a lot for me and there were also a lot of disappointing times for me. Tumatanda na rin ako, lahat ‘yun, pag-uusapan,” paglilinaw ng aktor.

Sa nasabing drama-love, horror story, gaganap na mag-asawa sina Derek at Erich. Ang kanilang pagmamahalan at spiritual faith ay dadaan sa isang malaking pagsubok. Of course, nag-aapoy ang love scene ng dalawa.

“Sa No Other Woman, I would say there was a great cast, great din ‘yung mga scenes. Dito sa Corazon, iba. The love scene has no violence but there is passion. Merong eksena sa batis, kung saan-saan… And when you’re an actor, you just shut yourself down, but you have to respect her as well,” pahayag niya.

Tinukso tuloy si Erich kung sa bed scene nila ni Derek, hinahaplos-haplos nito ang abs ng morenong aktor.

“Siya itong humahaplos-haplos sa akin,” natatawang sabi ng dalaga. Napag-alaman namin na magkasabay palang ginawa ng dalawa ang Magkaribal at Corazon kaya almost everyday magkasama sila. Nand’yanng pinaimbita pa ng mommy ni Derek si Erich sa bahay nila for dinner. Nagkaroon tuloy ng intriga between Erich and Angelica Panganiban. Nagkapaliwanagan na raw ang dalawa kaya tapos na ang issue tungkol sa kanila.

Ayon kay Corazon (Erich) nagbabatian na sila tuwing nagkakasalubungan sa hallway ng ABS-CBN.

AYAW Paawat!